FANDOM


Кирилица: Тодор Живков
File:Bundesarchiv Bild 183-B0115-0010-066, Berlin, VI. SED-Parteitag, Warnke, Shiwkow - Zhivkov.jpg

Todor Hristov Živkov (bulgarski: Тодор Христов Живков) (Pravec, 7 septembra 1911 - Sofija, 5 avgusta 1998) - bulgarski politik i komunističny aktivist. Črěz 35 lět, on je byl vodž Bulgarskoj Narodnoj Republiki. On je byl najdolgo vladajuči vodž Vzhodnogo Bloka i jedin iz najdolgo vladajučih nekraljevskih vodžev v istoriji.

Žitije Edit

Živkov je byl člen Bulgarskoj Komunističnoj Partije od 1932 goda. V 1942 godě je stal člen Sofijskogo Oblastnogo Komiteta, a v 1948 člen Centralnogo Komiteta. V lětah 1948-1949 on je byl prvy sekretar Gradskogo Komiteta v Sofiji. V lětah 1950-1951 Živkov je byl sekretar CK i člen-kandidat Politbjura CK BKP.

V časě destalinizacije Živkov je zastupil Vălko Červenkova kako prvy sekretar BKP. Do 1962 goda je pobědil nad frakcijami Červenkova i premiera Antona Jugova. V 1962, poslě izbavjenija vsěh protivnikov iz partije, Živkov je stal premier. V lětah 1971-1989 je byl takože prědsědatelj Državnogo Sověta. V aprilě 1965 goda Živkov je izběgl konspiraciju srěd vodžev partije i armije, naměrjajuču pro-kitajski puč.

Na polovině šestidesetyh lět Živkov je prědložil Hruščevu, že by Bulgarija stala čest SSSR. Kromě togo, Živkov jest započetkoval ogromnu nacionalističnu kampaniju k bulgarizaciji turečskogo menšinstva, čislečego 1,2 mln ljudij, kotori běhu pozyvani k emigraciji. V maji 1989 goda, Živkov je nakazal izgnanije množinstva bulgarskih etničnyh Turkov i sa represija pričinila, že 310 tys. ljudij sut izběgli iz kraja. Blagodareč svojim akcijam Živkov imaše mnogih vragov, medžu drugimi premier Georgi Atanasov, ministr vněšnjih děl Petar Mladenov i takože vodž Sovětskogo Sojuza, Mihail Gorbačev, kotory rěšil izbaviti se Živkova.

V novembrě 1989 Živkov je byl prinudženy k ustupjeniju iz vsěh polnjenyh od njego funkcij. Dva měseci pozdněj, v januarě 1990 goda, Bulgarska Narodna Respublika i komunističny sistem sut prěstali jestvovati. V tomže měseci, Živkov je byl areštovany i v 1992 godě osudženy k sedmi lět v vezeniji za pronevěrjenije državnyh penezev. S obzirom na starost i zly stan zdravija, on je prěbyval v domovym areště. V avgustě 1998 goda Živkov je umrěl od pnevmonije i vse obvinjenija protiv njemu sut odmetane.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.